E vehengnisvoll Vewägslung, wie die Neukerscher Bauern Bulldog forn g`lernd häwwe
Es wor oufångs de 50er Joorn uff`m Bauernhouf in Neukersche. De Bauer, er hodd Schorsch gehaase, hadd die Schinnerei mid seune Gail sååd, unn hodd sisch soin erschde neije Bulldog kaafd. Däss wår schonn åner midd enne Bleschhaub, e bissje uff schäij gedrimmt. En Ensinger, der is in Mischelstadt zåmme g`schraubd worrn. Unn do mid is glei emol Puul (Jauche) g`forn worrn. Weils schonn e Sensation wår, sinn die Bauern unn die neischerische Nåse zum zu`gugge all minånner zåmme gelaafe. Mi`m Bulldog foorn hodd sisch kåner ausgekennd. Draus uff`em Feld hodd kååner zugeguggd, die wårn all dehåm im Houf, unn häwwe schbiggeliert wie dem Schorsch soie fåhrerei mi`m neije Bulldog glabbd. Wie des neije G`scherr mim ålde Holzfass vum Feld kumme is, hodds riggwärds ån die Puulbumb buxierd werrn misse, wou åm Puulloch g`schdånne hodd. Do debei wår des mid dem riggwärds foorn nedd sou åfach. Äwwer dodefer dass de Bauer Schorsch nedd geiebd wår, hodd´s gånz guud gedou. Blous im letzde Momend isser mim lenge unn schdillhåhle ned nohkumme. Do is`es Hinnerråd vum dem Puulfass diregd uff de helzern Puullochdeggel gelaafe, unn es hodd färschderlich gegrachd. Wie`er gemergd hodd, es werd vekeerd, do horrer de Bulldog mid soim Gaul ve`wägseld unn hodd gånz laud „hüo, hüo, hüo“ gegresche. Jeder Gaul wer do stäij geblewwe. Weil däss äwwer der Bulldog nedd vestånne unn de Pullochdeggel fär die Lasd nedd gedengd wår, horrer`s Råd vum Fass bis ån die Åggs im Loch vesengd, unn die Puulbumb iss do debei ach noch scheeb gedriggd worrn. Die Bauern, wou drim`rim g´schdånne häwwe, häwwe sich geboe vorr Lache. Do domid hadd kåner gereschend. Äwwer s´wår nedd sou schlimm, die Hauptsach wår, dass`de Schorsch unn de neij Bulldog nix åb`griggd häwwe. Jedz wårn die Zugugger midd erne Musgelgrafd gfreegt. Aa wånn die meisde noch nedd uff`eme Bulldog g`sozze. Färs raushäijwe vum Wåue mi`m Puulfass wårn se all minånner gud se g`brauche. Weil sou veel Leid zugeguggd häwwe, hodd die Sach noch e schäijni Weil fär G´schbeeschsschdoff im Därfsche g`sorchd.
Unn die Gailsbauern in Neukersche häwwe all minånner als zukünfdische Bulldog-Pilode ebbes gelernd: Wånn en Bullgog stäij bleiwe soll derf mä „hüo, hüo“ ruffe, äwwer s` is oijg wichdisch, wånn mer do debei aa uff die Kupplung dridd– sunsd kånns e Ougligg gäwwe!
Eine wahre Begebenheit, überliefert und aufgeschrieben von Peter Wendel aus Neunkirchen
